ស្ត្រីជាងអ៊ុតសក់មានបញ្ហាជិតចូលរោងការហើយចងក ធ្វើអត្តឃាត
21-May-2016 | ដោយ មែន កំសត់
រាជធានីភ្នំពេញ ៖ ស្ត្រីជាងអ៊ុតសក់ម្នាក់ដែលភ្ជាប់ពាក្យជិតចូលរោងការទៅហើយ ស្រាប់តែសម្រេចចិត្តធ្វើអត្តឃាតដោយចង.កសម្លាប់ខ្លួនឯងនៅ ក្នុងផ្ទះរបស់ខ្លួនដែលមានទីតាំងស្ថិតនៅក្នុងភូមិជ្រៃកោង សង្កាត់ចោមចៅ ខណ្ឌពោធិ៍សែនជ័យ កាលពីវេលាម៉ោង១ និង១៥នាទី រសៀល ថ្ងៃទី២០ ខែឧសភា ឆ្នាំ២០១៦ ។
ប្រភពព័ត៌មានបានឲ្យដឹងថា ការធ្វើអត្តឃាតនេះគឺជាលើកទី២ហើយ ដោយលើកមុននាងបានលេបថ្នាំសម្លាប់ខ្លួនម្ដងហើយ ប៉ុន្តែមិនបានសម្រេច និងមិនត្រូវបានគេដឹងមូលហេតុឡើយ ប៉ុន្តែសង្ស័យនាងមានវិបត្តិស្នេហា ព្រោះក្រោយពេលលែងលះជាមួយប្ដីមុនរយៈពេលជិត៣ឆ្នាំ រហូតមកទល់ពេលនេះនាងមានគូដណ្ដឹងម្នាក់ទៀត ដែលភ្ជាប់ពាក្យជាមួយគ្នានៅតែថ្ងៃចូលរោងការប៉ុណ្ណោះ ហើយមិនមាននរណាបានដឹងថា នាងមានបញ្ហាអ្វី ជាមួយគូដណ្ដឹង ឬបែបណាឡើយ ទើបសម្រេចចិត្តចង.កសម្លាប់ខ្លួនឯងស្លាប់បែបនេះ ។
ប្រភពបន្តទៀតថា នារីដែលស្លាប់ដោយការចង.កសម្លាប់ខ្លួននេះឈ្មោះ សៀម សំណាង ហៅអាគៀង អាយុ២៥ឆ្នាំ មានទីលំនៅក្នុងភូមិកើតហេតុ នាងជាស្ត្រីមេម៉ាយដែលបានលែងលះជាមួយប្តីជិត៣ឆ្នាំមកហើយ ហើយថ្មីនេះបានភ្ជាប់ពាក្យជាមួយបុរសម្នាក់ទៀត ដែលជិតដល់ពេលចូលរោងការទៅហើយ ស្រាប់តែយកខ្សែនីឡុងចង.កជាប់នឹងដំបូលផ្ទះ បណ្ដាលឲ្យស្លាប់បែបនេះតែម្ដង ៕
ចំនួនអ្នកទស្សនា
- ថ្ងៃនេះ10881
- ម្សិលមិញ20231
- សប្តាហ៍នេះ89961
- ខែនេះ111841
- ឆ្នាំនេះ111841
- សរុប20554297